Pohjanen, Kotirannan jalanjäljilä - Runoeepos

Kotirannan jalanjäljilä, Pohjanen Bengt (runoeepos, meänkieli) Kirjoittajasta: Bengt Pohjanen oon kolmikielinen kirjailia, syntyny 1944 Alasessa Kassassa, Ruottin puolella, aivan rajan tuntumassa. Se assuu nykyhään Luulajassa. Pohjanen julkasi ensimäiset kaunokirjaliset tekstit 1973. Pitkän kirjailiauransa aikana se oon kirjottannu nelisenkymmentä romaania kolmela kielelä. Pohjanen pruukaa sanoa: ”Ko mie vaihetan kieltä mie vaihetan naamaria, persunaa, mutta en hypostaasia, olenollisuutta, mie olen aina sama ihminen ihmisestä - huolimatta kielestä, ihofäristä, uskonosta ja kulttuurista.” Pohjanen oon kans kirjottannu näytelmiä, filmikäsikirjotuksia, esseitä, pakinoita, lauluja ja arvosteluja. Pohjasen syntymäkieli oon meänkieli. Koulussa se oppi ruottin ja suomenkielen. Se oon luonu meänkielen kirjakielen. Hän oon filosofian tohturi ja Oulun yliopiston kunniatohturi. Se oon ollu Ruottin kirjailialiiton johtokunnan jäsen 1993-1999. Pohjanen oon saanuu suuren määrän palkintoja kirjallisesta työstä. Kirjan esittelyteksti: Oonkos runous jotaki jumalalista? Oon, Shelley meinaa. Se sisältää kaikki tietheet ja oon samala jotaki, mitä kaikki tietheet häätyvä ottaa huomihoon. Se oon kaiken aatossysteemin juurta ja kukkaa. Se antaa kuolemattomuutta kaikele mikä oon totta ja kaunista, ja ennen kaikkea se toppaa pakenevia oivaluksia, ilmestyksiä ja niin se muuttaa kaiken, mitä se koskettaa. Se oon olemassa siksi ko runo sen havattee. Niinku Meänmaa. Ilman Keksiä, oliskhaan sitä ja sen sielua? Syntyykös Meänmaa vielä enämpi tämän runoeepoksen myötä?