Eira, Doppe gos niegut riegádit - Noveallat

“Mun muittán vuosttaš háve go muhtin oaččui mu dovdat amasin iežan guovllus. Lei muhtin ministtar gii vikkai čilget manne min guovlluid fertii váldit. Lullisuopmaniin humai min guovlluid birra dego eai livčče leamaš min guovllut. Ledjen 18 jagi boaris. Stuoradikkis ledje čáppe govat ja čáppa sánit sápmelaččaid birra, muhto eat mii heiven dohko. Dovden movt uvssat giddejuvvoje. Movt dokumeanttat jávke skábiid sisa. Ii mis ii ge min árbevierus lean árvu eará go dalle go leat čikŋan stuora máilbmái.” Mii dáhpáhuvvá go olmmoš ii nagot čuovvut máilmmi mii beare jođánit manná ovddos guvlui? Go visot mii lea oahpis, amasmuvvá ja go lossa jurdagat devdet olbmo? Dát muitalusat leat árgabeaivvi ja eksisteanssa gaskka, gos jaskes olbmot bártidit, seammás go vuoigŋa čierru. Go ballu stivregoahtá, ja go digitála eallima giellásat bohtet min ovdii. Oanehis deaivilis teavsttaiguin lohkki hástaluvvo jurddašit ieš, lohkat linnjáid gaskka ja oaidnit dan maid mii geahččalit čiehkat mojiin. Dát leat jaskes muitalusat mat darvánit jurdagiidda.